Orðaskrípi

Þegar maður horfir eða hlustar á fréttir með aðeins öðru auga/eyra en venjulega verður maður var við ýmislegt skrítið. Eitt af því er orðavalið og setningauppbyggingin.

Það eru t.d. tvö orð sem eru geysilega mikið notuð í fréttum, auglýsingum og alls kyns umfjöllunum og ef einhver treystir sér til að skýra þau fyrir mér þá væri það hugsanlega skemmtilegt...

Í fyrsta lagi er það orðið MARGMIÐLUN. Hvað í ósköpunum er þetta? ég sá í síðustu viku auglýsta 
til sölu margmiðlunartölvu. Hvers lags tölva það er kom hvergi fram. Ég velti því fyrir mér góða stund hvað
slík tölva hefði upp á að bjóða sem ég þyrfti nauðsynlega á að halda í lífi mínu og komst að því að það 
getur varla verið mikið, a.m.k. í bili. Ég fór að hugs hvort ég sjálf gæti ekki alveg eins verið margmiðlari; 
ég get miðlað hlutum í talmáli, rituðu máli, líkamstjáningu hugsanlega nú eða tónlist, ég get teiknað 
tiltekið atriði o.s.frv. auk þess sem ég get miðlað til margra! -> Ég hlýt að vera margmiðlari. 

Hitt orðið hefur mér lengi verið mjög hugleikið. Það er orðið HÁTÆKNI! Hvað er hátækni, er hún eitthvað
öðruvísi en önnur tækni, hver segir hvaða tækni telst hátækni og hvaða er bara tækni. Er gsm síminn minn hátækni eða bara ómerkileg tækni? En tölvan mín
bíllinn minn, heilinn minn, sjónvarpið og allt hitt draslið sem maður heldur að maður geti ekki verið án?

Læt þetta duga um íslenskt mál í bili.
Kv. Auður Agla 

 

 

Athugasemdir

[Ása Margrét Ásgrímsdóttir (IP-tala skráð) 20.3.2008 kl. 20:58]

Hæ Auður ég get sagt þér að hátækni er ekki til eða ætti ekki að vera til tækni er bara tækni ég hef oft verið að tuða um þetta í sambandi við margumtalaða hátænisjúkrahús algjört orðskrípi þetta er bara notað til að skreyta með og gera meira úr. þetta er hrikaleg setning hjá mér en ég nenni ekki að laga hana kannski er hún bara hátænisetning.Nýyrði líklega kv mamma

[Gunnhildur Daðadóttir, 24.3.2008 kl. 23:48]

Ekki veit ég það heldur frekar en þú en ég mun pottþétt vera duglegri að kíkja hingað inn ef færslur fara að koma inn oftar en mánaðarlega ;) Kveðja frá Kampavíninu